வீட்டினுள்ளே காற்றைச் சுத்திகரிக்கும் உள்ளகத் தாவரங்கள்

வீட்டினுள்ளே காற்றைச் சுத்திகரிக்கும் உள்ளகத் தாவரங்கள்

நீங்கள் உங்கள் வீட்டில் உள்ளக தாவரங்களை வளர்ப்பவரா? உங்களுக்கு ஓர் நற்செய்தி!  உள்ளக தாவரங்கள் வீட்டினுள்ளேயுள்ள காற்றை சுத்திகரித்து சுகாதாரத்தையளிப்பதாக நாஸா நிறுவனத்தினர் நடத்திய ஆய்வொன்றின் முடிவு தெரிவித்துள்ளது.

 

வீட்டினுள்ளே காற்றைச் சுத்திகரிக்கும் உள்ளகத் தாவரங்கள்

144 சதுர அடி கொண்ட அறையில் வைக்கப்படும் ஒரு தாவரமானது அந்த அறையிலுள்ள 90% வீதமான காற்றைச் சுத்திகரிக்கின்றது எனவும், இதனால் வீட்டிலுள்ளோரின் சுவாசம் சம்பந்தப்பட்ட சிக்கல்களும், மற்றும் தலையிடி போன்ற நோய்கள் வரும் சந்தர்ப்பங்கள் குறைவதாகவும் ஆய்வில் கண்டறியப்பட்டுள்ளது.

பின்வரும் இணைப்புக்களில் எந்த வகையான தாவரங்கள் சிறந்தன என்ற விபரங்கள் உள்ளன.

http://scienceray.com/biology/ecology/keep-the-air-clean-in-your-home/

http://www.utne.com/Environment/NASA-sanctioned-houseplants-purify-indoor-air.aspx

இது ஒரு சிறிது திருத்தப்பட்ட மீள்பதிவு.

பக்கவாத நோயினால் செயலிழந்த உறுப்புக்களை மீண்டும் முழுமையாகச் செயற்பட வைக்கமுடியும்!!

அண்மையில் அமெரிக்காவிலுள்ள Duke பல்கலைக்கழகத்தில் நடாத்தப்பட்ட ஆய்வின் முடிவில் பக்கவாத நோயினால் செயலிழந்த உறுப்புக்களை மீண்டும்
பழைய நிலைக்கு கொண்டுவர முடியும் என்று கண்டுபிடித்துள்ளார்கள். வெறுமனே உறுப்புக்களை ஆட்டி அசைக்கலாம் என்ற நிலையையும் தாண்டி உணரக்கூடிய
வகையிலும் முழுமையாகச் செயற்பட வைக்கமுடியும் என்கிறார் இவ்வாய்வின் உறுப்பினரான விரிவுரையாளர் Miguel Nicolelis.

இவ்வாய்வானது குரங்கொன்றில் விழுமின்வாய்களை பதித்து மூளை - இயந்திரம் - மூளை இடைமுகச் செயற்பாட்டு முறையினால் நிகழ்த்தபட்டது.


இணைப்புக்கள்

செய்தியின் முழுவிபரங்களையும் இங்கே காணலாம்
http://www.theage.com.au/technology/sci-tech/monkeys-use-mind-control-to-move-a-virtual-arm-and-experience-touch-20111007-1lckw.html

Nature விஞ்ஞான சஞ்சிகையில் வந்த ஆய்வின் சுருக்கம் இங்குள்ளது. முழுக்கட்டுரையை கட்டணம் செலுத்திப் பெற்றுக்கொள்ளலாம்.
http://www.nature.com/nature/journal/vaop/ncurrent/full/nature10489.html

மீண்டும் அடுத்த செய்தியில் சந்திப்போம்.
அன்புடன்
சாதாரணன்

Google இன் அதியுயர் உத்தரவாதம்.

இன்றைய கணணி யுகத்தில் இணையசேவைகளும் மனிதகுலத்தின் தொடர்பு வசதிகளில் முன்னிலை வகிக்கின்றன என்பது யாவரும் அறிந்ததே. மேலும் சமீபகாலங்களில் உலகில் இடம்பெற்ற இயற்கை அழிவுகளின்போது பாதிக்கபட்ட மக்கள் அவசர உதவித்தொடர்பு கொள்வதிலும் இவை குறிப்பிடத்தகுந்த இடத்தை வகித்ததை நாம் அறிவோம். அந்தவகையில் Google இன் பிரயொகங்களும் (applications) உதவுவதில் முன்னிலை வகித்தன.

இனி வரும் காலங்களில் தாங்கள் மென்மேலும் உலக மக்களுக்கு உதவுவோம் என்பதற்கு முன்மாதிரியாக பின்வரும் அதியுயர் உத்தரவாதத்தை Google உலகிற்கு அறிவித்துள்ளது. அதாவது தங்கள் அகராதியில் சேவை இடைநிறுத்தமே
(service downtime) இல்லை என்று சொல்லத்தகுந்த வகையில், அவர்களது சேவையின் உடன்பாட்டு இலக்கில் (service level agreement) முன்கூட்டியே திட்டமிடப்பட்ட சேவை இடைநிறுத்தமே இருக்காது என்று அவர்களது வாடிக்கையாளருக்கு அறிவித்துள்ளார்கள். எதிர்வரும் நாட்களில் Google இன் போட்டியாளர்களான Facebook, Microsoft போன்றவர்களும் இதைப் பின்பற்றுவார்கள் என உறுதியாக நாம் நம்பலாம்.

இணைப்புக்கள்
http://www.webpronews.com/2011/01/14/google-commits-to-9999-uptime-for-google-apps/
http://googleenterprise.blogspot.com/2011/01/destination-dial-tone-getting-google.html

சோம்பேறி என்று கவலைப்படுகிறீர்களா?

கவலையை விடுங்கள்! உங்கள் சோம்பலுக்கு காரணமான ஜீனையும் விஞ்ஞானிகள் கன்டுபிடித்து விட்டார்கள். நீங்கள் உறக்கத்திலிருந்து விழிப்பதற்கு சிரமப்படுவதற்கு காரணமான இந்த ஜீனேதான் ஒரு முழுநாளுக்குமான உங்கள் உறக்க - விழிப்பு
வட்டத்தின் ஒழுங்கமைப்பைத் (sleep cycle rhythms) தீர்மானிக்கின்றது.

ஒரு பழப்பூச்சியை மையமாகக்கொண்டு  அமெரிக்காவிலுள்ள Northwestern University இல் Dr. Ravi Allada  தலைமையிலான விஞ்ஞானிகள் குழுவினர் நடாத்திய பரிசோதனைகளின் முடிவுகளின் இது கண்டறியப்பட்டுள்ளது. இது மனிதனுக்கும் பொருந்தக் கூடியதாகுமெனவும் கூறியுள்ளார்கள்.

இணைப்புக்கள்
செய்தி
http://www.thirdage.com/news/sleep-cycle-rhythms-regulated-genes_2-17-2011

விளக்கமான விபரங்கள்
http://www.innovations-report.com/html/reports/studies/waking_hard_170292.html

முழுமைமையான பரிசோதனை முடிவுகள் (சந்தா தேவை)
http://www.nature.com/nature/journal/v470/n7334/full/nature09728.html

சந்தையில் விலைக்கு வந்துள்ள twitter!

உங்களுக்கு ஓர் சேதி தெரியுமா? twitter விலைக்கு வந்துள்ளது.  விலையாக
10 பில்லியன் அமெரிக்க வெள்ளிகள் நிர்ணயிக்கப்பட்டுள்ளது. இதுதான் சமூக வலைப்பின்னல்(Social Network) வட்டாரத்தில் மிகவும் அடிபடுகிற செய்தி.

 

இந்தவிலைக்கு வாங்கக் கூடியவர்கள் Facebook அல்லது Google மட்டுமே. twitter ஐ வாங்கப்போவது Googleஆ  Facebookஆ அல்லது வேறு ஒரு நிறுவனமா?
பொறுத்திருந்துதான் பார்ப்போமே.

இணைப்புக்கள்
http://www.bayoubuzz.com/Technology/would-google-or-facebook-pay-$10-billion-for-twitter-mashable.html
http://www.guardian.co.uk/technology/organgrinder/2011/feb/10/twitter-facebook

வீட்டினுள்ளே காற்றைச் சுத்திகரிக்கும் உள்ளகத் தாவரங்கள்.

நீங்கள் உங்கள் வீட்டில் உள்ளக தாவரங்களை வளர்ப்பவரா? 
உங்களுக்கு ஓர் நற்செய்தி!  உள்ளக தாவரங்கள் வீட்டினுள்ளேயுள்ள
காற்றை சுத்திகரித்து சுகாதாரத்தையளிப்பதாக நாஸா நிறுவனத்தினர்
நடத்திய ஆய்வொன்றின் முடிவு தெரிவித்துள்ளது.

144 சதுர அடி கொண்ட அறையில் வைக்கப்படும் ஒரு தாவரமானது அந்த அறையிலுள்ள 90% வீதமான காற்றைச் சுத்திகரிக்கின்றது எனவும், இதனால் வீட்டிலுள்ளோரின் சுவாசம் சம்பந்தப்பட்ட சிக்கல்களும், மற்றும் தலையிடி போன்ற நோய்கள் வரும் சந்தர்ப்பங்கள் குறைவதாகவும் ஆய்வில் கண்டறியப்பட்டுள்ளது.

இணைப்புக்களில் எந்த வகையான தாவரங்கள் சிறந்தன என்ற விபரங்கள் உள்ளன.
http://scienceray.com/biology/ecology/keep-the-air-clean-in-your-home/
http://www.utne.com/Environment/NASA-sanctioned-houseplants-purify-indoor-air.aspx

பிரத்தியேகமாக ipad கணணியினிலே மட்டும் காணப்போகும் நாளிதழ்.

உலகத்தில் முதன்முறையாக ipad கணணியிலே மட்டுமே காணத்தகுந்த
முறையிலே வடிவமைக்கப்பட்ட நாளிதழான "The daily" பிப்ரவரி 2ஆம் திகதி
முதல் வெளிவருகின்றது. வாரத்திற்கு .99 US$ டொலர் சந்தா செலுத்தினால் ipad  கணணியிலே இந்நாளிதழைக் கண்டு வாசிக்கலாம்.

News corp நிறுவனத்தினர், ஆப்பிள் (Apple) கணணி நிறுவனத்தினரின் உதவியுடன் வெளியிடவிருக்கும் இந்நாளிதழ் வழமையான மற்ற நாளிதழ்களிலிருந்து எவ்வகையில் வேறுபட்டு தனித்தன்மையுடன் வாசகர்களைக் கவரப்போகின்றது? என்பதனைப் பொறுத்திருந்துதான் பார்ப்போமே.

இணைப்புக்கள்
செய்தியாக:
http://www.warwickdailynews.com.au/story/2011/01/28/news-corp-to-launch-ipad-newspaper/
http://money.cnn.com/2011/01/27/technology/ipad_the_daily/index.htm

இதுவரைக்கும் அறிந்தமட்டிலும் எதிர்பார்ப்பாக:
http://www.pcworld.com/article/211294/murdoch_and_jobs_ipadonly_news_app_what_we_know_so_far.html

செய்திகளைத் தந்தவர் சாதாரணன்.
மீண்டும் அடுத்த செய்தியில் சந்திப்போம்.

உலகம் பஞ்சத்தை எதிர்கொள்ளாதிருக்க உடனடி நடவடிக்கை தேவை

பிரித்தானிய அரசாங்கத்தின் அனுசரணையுடன் பன்நாட்டு நிபுணர்கள்
குழுவினரால் கடந்த இருவருடங்களாக மேற்கொள்ளப்பட்ட ஒரு ஆய்வின்
முடிவில் வெளியிடப்பட்ட அறிக்கையானது, இன்னும் இருபது வருடங்களில் உலகளவில் ஏற்படவிருக்கும் பஞ்சத்தை தடுப்பதற்கு உலக உணவுற்பத்தியில் பாரிய மாற்றங்களை ஏற்படுத்தக்கூடிய செயற்திட்டங்களுடனான உடனடி நடவடிக்கைகள் தேவையென வற்புறுத்தியுள்ளது.

மேலும் இவ்வறிக்கையில் இப்பஞ்சத்தை ஏற்படுத்தவிருக்கும் முக்கிய
காரணிகளாக உலக சனத்தொகை அதிகரிப்பும், மக்கள் நகரங்களை நோக்கி முண்டியடித்துக்கொண்டு குடியேறுவதையும் நிபுணர்கள் சுட்டிக்காட்டியுள்ளனர். இக்காரணிகளினால் உலக மக்களின் அத்தியாவசிய தேவைகளான உணவு, குடிதண்ணீர், மற்றும் சக்தி போன்றவைகளின் வழங்கலில் ஏற்படப்போகும் பற்றாக்குறை, இப்பஞ்சத்தை உண்டாக்குமென நிபுணர்கள் அஞ்சுகின்றனர்.
   
இருபது வருடங்களின் பின்னர்தானே எனப்பொறுத்திருக்காமல் உடனடியாக உலகநாடுகளுக்கிடையேயில் ஒருங்கிணைந்த செயற்திட்டங்கள் உலகளாவிய ரீதியில் செயற்படுத்தப்பட வேண்டுமெனக் கேட்டுக்கொண்டுள்ளனர். முக்கியமாக உணவு வீணாவதை தடுக்கக்கூடிய, மற்றும் சிறியளவிலான உற்பத்தியில் ஈடுபடும் விவசாயிகள் பெரியளவில் அறுவடையை பெற்றுக்கொள்ளக்கூடிய, வழிமுறைகள் கண்டறியப்பட வேண்டியதின் அவசியத்தை வலியுறுத்தியுள்ளனர்.

இணைப்புக்கள்
புள்ளிவிபரங்களுடனான செய்திகளை இங்கு காணலாம்.
http://www.dailymail.co.uk/sciencetech/article-1350009/Food-prices-rocket-50-global-hunger-epidemic-takes-hold.html
http://www.greenwisebusiness.co.uk/news/report-warns-of-food-shortages-without-urgent-action-2060.aspx

ஏன்னா நான் உன் நண்பேண்டா!!

இது காலம் கடந்த உறவு ஏன்னா நான் உன் நண்பேண்டா!! என்று சில வேளைகளில் விளையாட்டாக்கூட சொல்வோமல்லவா?  இனிமேல் அதை அழுத்தம் திருத்தமாக உணர்ச்சிபூர்வமாகவே நீங்கள் சொல்லலாம் என்று ஆராய்ச்சியாளர்கள் விஞ்ஞான பூர்வமாக கூறுகின்றார்கள். ஏனென்று பார்ப்போமா?

விஞ்ஞானிகள் ஏன் உங்களுக்கு சிலரை பார்த்தமாத்திரத்திலேயே பிடித்து விடுகின்றது என்றால் உங்களில் இருக்கும் ஒரு குறிப்பிட்ட ஜீன் இதில் சம்பத்தப்பட்டிருக்கிறது என்றும், அதேபோல் நீங்கள் கண்டமாத்திரதிலேயே வெறுப்பதிலும் வேறோரு குறிப்பிட்ட ஜீன் சம்பத்தபட்டிருக்கிறது என்கிறார்கள்.
இப்ப சொல்லுங்கோ உங்கள் நட்பு காலம் கடந்ததா இல்லையா?

இந்தப்பாடலைப் பார்த்துவிட்டுப் பின்னர் இணைப்புக்களில் விபரங்களைப் பாருங்களேன்.

இணைப்புக்கள்
http://www.bbc.co.uk/news/science-environment-12207954
http://news2.onlinenigeria.com/world/69652-Best-friends-forever-gene-Its-all-our-DNA-say-scientists.html

கல்லறையிலிருந்து கருவறைக்கு

பல்லாயிரம் ஆண்டுகளுக்கு முற்பட்ட உயிரினம் ஒன்று உயிருடன் உங்கள் முன்னால் உலா வரப்போகின்றது என்றால் நம்பமுடிகின்றதா? தற்போது ஜப்பானில் நடந்து வரும் ஆராய்ச்சி வெற்றியளிக்குமாயின் இன்னும் ஐந்து வருடங்களில் நிகழப்போகும் நிதர்சனம் இது.

 

பல்லாயிரம் ஆண்டுகளுக்கு முன்னர் பனிக்கட்டிக் காலத்தில் ரஸ்யாவின் சைபீரிய வெளிகளில் வாழ்ந்த ஒருவகை யானையினம் பூமியில் ஏற்பட்ட திடீர் வெப்ப உயர்வால் முற்றிலுமாக அழிந்தது. இந்த உயிரினத்தைதான் மீண்டும் அதன் DNA மூலக்கூறுகளிலிருந்து உயிர்ப்பிக்கும் முயற்சியில் ஜப்பான் விஞ்ஞானிகள் இறங்கியுள்ளனர்.

மமூத் எனப்படும் இந்த உயிரினத்தின் செல்களின் DNA மூலக்கூறுகளை யானையின் வெற்றுக் கருமுட்டையினுள் செலுத்திப் பின்னர் பரிசோதனைச்சாலையில் சிலநாட்களுக்கு கருவை வளர்த்தெடுத்து யானையின் கருப்பையினுள் வைப்பதன் மூலம் உருவாகும் குட்டி முழுமைபெற குறைந்தது 600 நாட்களாவது எடுக்கும்.

இணைப்புக்கள்.
http://theweek.com/article/index/211207/cloning-the-woolly-mammoth-a-worrying-precedent

பழைய செய்தியெனினும் விரிவாக ஆராய்ந்துள்ளது.
http://news.nationalgeographic.com/news/2005/04/0408_050408_woollymammoth.html

கிளுகிளுப்பில்லாத செக்ஸ் சமாச்சாரம்.

நீங்க நினைக்கிற மாதிரி ரொம்ப விவகாரமான விஷயம் இல்லைங்க. எதிர்பார்த்து வந்திடாந்திங்க. ஆனா உங்க அறிவுக்கு அவசியம் தேவையானதொன்றுங்க.  ஒண்ணுமே புரியலையா? அப்ப வந்துதான் பாருங்களேன். விஷயம் இதுதான்.

விண்வெளியில் பாலியல்

நாசா(மனிதன்), அடுத்தகட்ட ஆராய்ச்சிகளை சந்திரனிலும், செவ்வாயிலும் கொஞ்சம் காத்திரமாகவே நிகழ்த்தவிருப்பது தெரிந்ததே. அதற்கு முன்னோடியாக செவ்வாய்க்கான ஒரு வழிப்பயணத்திற்கு தன்னிச்சையாக முன்வரும் பயணிகளை திரட்டுவதையும் நீங்கள் அறிந்திருக்கலாம்.

இப்போது வேறொரு திசையிலும் நாசா ஆராய்ச்சிகளை முடுக்கிவிட்டுள்ளார்கள். அதுதாங்க, விண்வெளியில் பாலியல்.  (புவி)ஈர்ப்புவிசையில்லாத நிலையில் பாலுணர்வோடு கூடிய செயல்களுக்கான சாத்தியம், குழந்தைகள் உண்டாவதற்கான வாய்ப்புக்கள்,  பாலுணர்வோடு கூடிய செயற்பாடுகள் அவசியம்தான் என்ற  நிலையை உருவாக்கும் சூழ்நிலைகள், போன்றவை உள்ளிட்ட பல கோணங்களில் ஆராயவிருக்கிறார்கள்.

விசயத்தை காதிலை போட்டுட்டேன். இனி மேலும் தெரிஞ்சுக்கிறதுன்னா இணைப்புக்களில் போய்ப்பாருங்க. தலை சுத்துதா? இந்த பாட்டை கேட்டுட்டு போங்களேன்.

Naanrompaa.mp3

இணைப்புக்கள்
ரொம்ப விவரமா வேணும்னா இங்க பாருங்க.
http://www.aolnews.com/2011/01/14/sex-in-space-the-final-frontier/
http://blog.seattlepi.com/thebigblog/archives/235699.asp

விரிவாக ஆராய்ச்சிக்குரிய கேள்விகளுடனான கட்டுரை இங்கே.
http://journalofcosmology.com/Mars144.html

செய்திகளைத் தந்தவர் சாதாரணன்.
மீண்டும் அடுத்த செய்தியில் சந்திப்போம்.